ព្រះវិហារ: ផ្លែមៀនចំនួន២តោន ដែលជាអំណោយដ៏ថ្លៃថ្លារបស់នាយករដ្ឋមន្ត្រីកម្ពុជាសម្តេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ត្រូវបានចែកជូនប្រជាជននៅក្នុងភូមិកំពង់ចម្លង ដែលស្ថិតក្នុងសង្កាត់កំពង់ប្រណាក ក្រុងព្រះវិហារ ដែលជាតំបន់បិទខ្ទប់ និងអង្គភាពពន្ធនាគារក្នុងខេត្តព្រះវិហារ តាមរយៈលោក កើត រិទ្ធ នៅព្រឹកថ្ងៃទី២៤ ខែសីហា ឆ្នាំ២០២១នេះ។
លោក វុធ សាវី ព្រះរាជអាជ្ញារង និងជាអ្នកនាំពាក្យសាលាដំបូងខេត្តព្រះវិហារបានមានប្រសាសន៍ថាផ្លែមៀនដែលត្រូវបានយកទៅចែកជូនប្រជាពលរដ្ឋនៅក្នុងខេត្តព្រះវិហារមានចំនួន១៨០គ្រួសារ ដោយក្នុង១គ្រួសារ ទទួលបានផ្លែមៀនចំនួន៣គីឡូក្រាម។
ក្នុងឱកាសនោះដែរប្រជាជននៅតំបន់បិទខ្ទប់បានថ្លែងអំណរគុណនិងបានជូនពរដល់សម្តេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន រួមជាមួយលោក កើត រិទ្ធដែលបានផ្តល់អំណោយដ៏ថ្លៃថ្លា៕
ព័ត៌មានជាច្រើនទៀតសម្រាប់អ្នក
